2023 жылғы 10 наурызда Абылай хан атындағы Қазақ халықаралық қатынастар және әлем тілдері университетінде 6В04201-«Құқықтану» ББ білім алушылар арасында халықаралық пәндік олимпиада өтті.
Аталған олимпиадада Қайнар академиясын «Әділет лигасы» атауымен 6В04201-«Құқықтану: құқық қорғау қызметі» ББ білім алушыларының құрама командасы ұсынды. Оның ішінде- Әбілбек Ділшат, Қабжанова Аружан, Тоқтарова Аружан және Бабажанова Назерке, жетекшісі – Құқықтық пәндер кафедрасының аға оқытушысы Бидайшиева А.Б.
Олимпиада 4 кезеңнен тұрды: командаларды қарсы алу, "Мемлекет және құқық теориясы, ҚР Конституциялық құқығы" пәндері бойынша тесттер; "ҚР Қылмыстық құқық және қылмыстық іс жүргізу құқығы, ҚР Азаматтық құқығы" пәндері бойынша теориялық сұрақтар, сондай-ақ ҚР Азаматтық іс жүргізу құқығы бойынша кейс-тапсырмалар.
Жоғары оқу орындарының 9 командасы арасындағы қиын күресте біздің команда жүлделі 3-орынға ие болды.
Жеңімпаздарды құттықтаймыз!!!
Олимпиада студенттерге өз білімдерін сыни тұрғыдан бағалауға және лайықты нәтиже көрсетуге мүмкіндік берді.