22 ақпан 2023 жылы, сағ. 09.30, Алматы қаласы, Құрманғазы 40 көшесі, Достық Үйінің Мәжіліс Залында (конференц зал 2), «ҚАЗАҚСТАН ХАЛҚЫ АССАМБЛЕЯСЫ» және Қайнар Академиясы «ІРГЕЛІ ЖӘНЕ ҚОЛДАНБАЛЫ ҒЫЛЫМИ ЗЕРТТЕУЛЕР: ӨЗЕКТІ МӘСЕЛЕЛЕРІ, ЖЕТІСТІКТЕРІ МЕН ЖАНАЛЫҚТАРЫ» тақырыбындағы халықаралық ғылыми-әдістемелік конференция өткізеді.
Конференцияға алыс және жақын шет елдердің ғалымдары, отандық психология саласында еңбегі сіңген ғылым докторлары, профессорлар, сондай-ақ жоғары оқу орындарындағы ғалымдар, оқытушылар, PhD докторлары, магистранттар, студенттер, әлеуметтік ғылымдар, әрі психология және педагогика саласындағы ғылыми қызметкерлер, мектеп, лицей, гимназия, кәсіптік білім беру мекемелерінің мұғалімдері қатысады.
Конференцияның мақсаты – жоғары оқу орындарының ғылыми-педагогикалық кеңістігінде психология саласындағы ғылыми зерттеулердің нәтижелерімен және практикалық тәжірибелермен алмасуға, кәсіби байланыстар орнатуға, бірлескен ғылыми-практикалық жобаларды өңдеуге, психологиялық ғылым мен практиканың өзекті мәселелері бойынша бейресми қарым-қатынас жасауға коммуникациялық алаңды қалыптастыру.
Конференция қорытындысы бойынша қорытынды жинақтың материалдары шығарылады, қатысушыларға сертификаттар беріледі.
Халықаралық ғылыми-әдістемелік конференция жинағы, 23 ақпан 2023 жыл
