2022 жылдың 14 желтоқсан күні «Қайнар» академиясы Психология және журналистика кафедрасында Қазақстан Республикасының Тәуелсіздік күніне орай журналист, ақын, жазушы Жұмаш Кенебаймен журналисттік сұхбат-кездесу кеші өтті. Кенебай Жұмаш Айтжұманұлы – Халықаралық ЮНЕСКО сыйлығының иегері. Сонымен қатар өлеңмен жазылған «Аягөз» атты тарихи романының, «Аққу-жүрек», «Бастау», «Қарлығаш», тағы басқа жыр жинақтарының авторы. 1990 жылы Алманияның Мюнхен қаласындағы «Азаттық» радиосынан бір сағаттық радиоинсценировка ретінде эфирден таратылған 1986 жылғы әйгілі Желтоқсан көтерілісі туралы елімізде тұңғыш рет жазылған «Зобалаң» дастанының авторы, дарынды ақын. Кеш барысында студенттер өздерін толғандырып жүрген сұрақтарына жауап алып, өз ойларымен бөлісті.
